නාමල් – නිමල් තවත් හොර ඩීල් එකක් හෙළිවෙයි. (video)

නාමල් – නිමල් තවත් හොර ඩීල් එකක් හෙළිවෙයි. (video)

ඔස්ට්‍රේලියාවේ වෛද්‍ය සමාගමක් සම්බන්ධයෙන් මුදල් විශුද්ධීකරණයට අදාළව සිදුකරන විමර්ශනයක් තුළදී ශ්‍රී ලංකාවේ හම්බන්තොට මහ රෝහල ඉදිකිරීමේදී සිදුවූ බව කියන දූෂිත ගණුදෙනු පිළිබඳවද තොරතුරු හෙළි වී තිබේ.

ඔස්ට්‍රේලියාවේ ABC මාධ්‍ය ජාලය මේ පිළිබඳව දිර්ඝ විස්තරයක් ඉදිරිපත් කර තිබේ. එස්ට්‍රේලි ඇස්පෙන් මෙඩිකල් සමාගම සම්බන්ධයේ පෞද්ගලික ආරක්ෂක උපකරණ කොන්ත්‍රාත්තුවක් සම්බන්ධයෙන් වූ දූෂණයක් සම්බන්ධයෙන් මෙම විමර්ශන සිදුකර තිබේ.

මෙම සමාගම ශ්‍රී ලංකාවේ හම්බන්තොට දිස්ත්‍රික් මහ රෝහල ඉදිකිරිමේ ව්‍යාපෘතිය සම්බන්ධයෙන් මුදල් විශුද්ධීකරණට අදාළව විමර්ශනයකට භාජනය වී තිබේ.

මෙම සමාගම විසින් හම්බන්තොට දිස්ත්‍රික් මහ රෝහල සඳහා අවශ්‍ය උපකරණ, යටිතල පහසුකම් ඇතුළු සේවා වෙනුවෙන් ඩොලර් මිලියන 18.8ක ව්‍යාපෘතියක් වෙනුවෙන් ඔස්ට්‍රේලියානු රජයේ අනුමැතිය ලාබගෙන තිබේ.

මේ පිළිබඳව විමර්ශන ගවේෂණයක යෙදුණ මාධ්‍යවේදින් සමාගමෙන් ප්‍රශ්න කර ඇත්තේ අදාළ වෛද්‍ය සැපයීම් රෝහල වෙනුවෙන් සිදුකළාද යන්න විමසා ඇතිවිට එයට පිළිතුරු ලබාදිම ඔවුන් ප්‍රතික්ෂේප කර තිබේ.

කෙසේ වෙතත් එම කොන්ත්‍රාත් උප කොන්ත්‍රාත් සමාගමක් වෙත ලබාදුන් බව ඔවුන් නිවේදනයකින් සඳහන් කර තිබේ.

ඇස්පෙන් සමාගම ශ්‍රී ලංකාව සම්බන්ධයෙන් සිදුකළ පළමු මුදල් ගණුදෙනුව වන ඩොලර් මිලියන 2.1ක් බ්‍රිටිස් වර්ජජින් දූපත්වල ලියාපදිංචි සබ්රේ විෂන් හෝල්ඩිංග්ස් වෙත සිදුකරන තිබේ. මෙම ගණුදෙනුව ශ්‍රී ලංකා පොලීසියේ අවධානයට ලක්ව තිබේ.

මෙම සමාගම ශ්‍රී ලංකාවේ නිමල් පෙරේරා නම් පුද්ගලයෙකුට අයිති බවත් ඔහු ශ්‍රි ලංකාවේ රාජපක්ෂ පවුල හා සමීප සබඳතාවක් ඇති බවත් ඒ.බී.සී. මාධ්‍ය හෙළිකර තිබේ.

2016දි ඔහු නාමල් රාජපක්ෂ මහතා වෙනුවෙන් මුදල් එකතු කර ඇති බවට පාපොච්ඡාරණය කර ඇති අතරම ඒ හේතුවෙන් නාමල් රාජපක්ෂ මහතා අත්අඩංගුවටද පත්විය. එහෙත් වත්මන් ගෝඨාභය පාලනය පැමිණිමෙන් පසුව රාජපක්ෂවරු තමන්ට තිබුණු නඩු සියල්ල නීතිපති දෙපාර්ථමේන්තුව ලවා ඉවත් කරගනු ලැබුවේ නිදොස් කොට නිදහස් වෙමිණි.

හම්බන්තොට රෝහල ඉදිකිරීමේදී සිදුවූ බව කියන දූෂිත ගණුදෙනු පිළිබඳව විමර්ශන වලට අදාළව නිමල් පෙරේරාගෙන් ඔහුගේ ගිණුම්වලට පැහැදිලිකළ නොහැකි මාර්ගවලින් මුදල් ලැබීම පිළිබඳව කළ ප්‍රශ්න කිරීම්වලදී ඔහු ප්‍රකාශ කර ඇත්තේ එම මුදල් ලබාදුන්නේ ඉතාලි ව්‍යාපාරිකයෙක් බවයි. එම ඉතාලි ව්‍යාපාරිකයාගේ ලිපිනය හෝ දුරකතන අංක සහිතව අනන්‍යතාව තහවුරු කළ නොහැකි බවත් සඳහන් කර තිබේ.

මෙහිදී සබ්රේ විෂන් හොල්ඩිංග්ස් සමාගම පිළිබඳව විමසා ඇති විට නිමල් පෙරේරා ප්‍රකාශ කර ඇත්තේ තමන් එම සමාගම පිළිබඳව නොදන්නා බවත් ඇතැම්විට එම සමාගම තම ඉතාලි මිතුරාට අයිති එකක් විය හැකි බවත් ඔහු සඳහන් කර තිබේ.

කෙසේ වෙතත් මෙම සමාගම නිමල් පෙරේරාට අයිති බවට පොලීසිය විසින් තහවුරු කර තිබේ. එසේම මෙම සමාගම දූෂිත එයා බස් ගණුදෙනුවට අදාළව ඩොලර් දස දහස් ගණනක් ලැබී ඇති බවට තහවුරු වී තිබේ.

ඕස්ට්‍රේලියාවේ ABC News මාධ්‍ය ආයතනය විසින් නාමල් ඇතුලු රාජපක්ෂ පවුල Aspen Medical ආයතනය හා සම්බන්ධවී කළ මුදල් විශුද්ධිකරණයේ හෙලිදරව්ව.

ශ්‍රී ලංකාවට අදාල කොටස පහතින් නරඹන්න

Leave a Reply

Your email address will not be published. Required fields are marked *